Ulker Ucqar - Baliqci Ellerine Dogru
Birinci kitab seriyasında Cənublu Şair Ülkər Ucarın kitabı nəşr olundu
Ülkər Ucqar imzası oxuculara bəzi ədəbi portallardan tanış olsa da, “Balıqçı əllərinə doğru” yazarın ilk kitabıdır. Güneyli şairənin şeirlərini fərqləndirən ən əsas cəhətlər: özünəxas ifadə bacarığı, mövzu çeşidinin genişliyi, məna açarının çox vaxt kənar mətnlərdə – xüsusən Azərbaycan şifahi xalq yaradıcılığında və mifoloji qaynaqlarda olması. Ən əsası isə bu şeirlərin hər birindən insan səsi, insan nəfəsi gəlir. Ülkərin şeirlərinin başı göyə can atsa da, ayağı yerdədi: “Bir cüt dağ başmağınız qalıb bizdə, Qapı-qapı gəzib, Geydirirəm oğlanlara, görək kimin ayağınadır?”
Ülkər Ucqar lirik “mən”in daxili hiss-həyəcanını dış aləmdən ayırmır, əksinə, daim harmoniya yaratmağa çalışır və bunların hər birini öz təbii rəngində çatdıra bilir. Bu rənglərin bütöv Azərbaycan poeziyasına rəng qatacağı da şübhəsizdir. Hərçənd ki, bu mətnlər bütöv kainatdan bəhs edir.
Bakı, “Qanun Nəşriyyatı”, 2011
76 səhifə, 500 tiraj