Rövşən Abdullaoğlu - Reyslər üzərinə uzanmış adam

Rovsen Abdullaoglu - Reysler uzerine uzanmis adam

Əsərin qəhrəmanı psixologiyaya məlum olmayan bir xəstəlikdən əziyyət çəkir. Buna görə də o, cəmiyyətdən təcrid olunmuşdur. Həyatı boyu 31 tanınmış psixoterapevtin qəbulunda ola və heç bir nəticə ala bilməyən bu şəxs xilas yolunu yalnız intiharda görür. Beləliklə, relslər üzərinə uzanaraq ölüm qatarının gəlməsini gözləyir. Onun yüzlərlə intihar forması arasından şüuraltı olaraq məhz relsləri seçməsi də səbəbsiz deyildir.
Relslər üzərində ölüm qatarını gözləyərkən yanına intihar üçün daha bir nəfər gəlir. Onun ağlına belə gəlməzdi ki, bu yad insan onun qaranlıq keçmişi ilə bir daha üz-üzə qoyacaq və bu görüş həyatını tamamıilə dəyişəcəkdir. Bu yad insanla o, bir-birlərinə daxili cəhənnəmlərinin qapısını açacaq və bir-birlərini öz gizli aləmləri ilə tanış edəcəklər. Sonda o yad insan onun həyatının ən həlledici və dəhşətli seçimi qarşısında qoyacaqdır. Özüdə bir deyil, bir neçə amansız seçim.....
Bu annotasiya ilə tanış olan oxucu elə güman edə bilər ki, əsərin qəhrəmanı relslər üzərinə uzanan bu şəxs və o yad insandır. Ancaq onların hər ikisi əsas hadisələrin başlanması üçün yanlız bir müqəddimədirlər. Ən dəhşətlisi budur ki,onlar baş verən bütün münasibətlərin həm də ən böyük qurbanlarıdır.